بالصور : زيارة إلى حازم إمام الجديد

تغطية :محمد مدحت – تقرير : محمد قطب

البداية كانت بإعلان تلفزيونى لطفل دمه خفيف اسمه حازم وبيقول أنا اسمى حازم امام لفت انتباه مصر كلها , طفل لايتعدى عمره الخمس سنوات ربنا اختاره ليكون محارب قوي لمرض السرطان , ومتواجد داخل مستشفى 57357 .

الإعلان التلفزيوني كان هدفه ان الطفل ده يقول للناس كل سنه وانتوا طيبين بمناسبة شهر رمضان الكريم .

بعدها بأيام بسيطة ظهر بوست على الفيس البوك لشاب عشريني اسمه محمد مدحت , بوست انتشر في صفحات الفيس بوك بشكل قوى , الكل بدأ يعمل شير للبوست والكل بيمنشن لصفحة الكابتن حازم امام الكبير أو لأصحابه ومحبينه ولكل اللى يعرفوه على كل مواقع السوشيال ميديا , الكل عايز كابتن حازم امام يشوف البوست ده , كان البوست مضمونه الآتى

بعدها بساعة تقريبا كان الرد من الثعلب حازم امام الكبير على تويتر بتويتة قال فيها ((عاوز أشكر كل الناس على اهتممهم بالطفل حازم امام ، تواصلت مع المستشفى للذهاب غدا و لكن اخبرونى بتأجيل الزياره لوقت اخر لصحته الغير مستقره))

مين محمد مدحت ده صاحب البوست ؟ ده شاب بيشتغل في مكتب المتطوعين في المستشفى هو ومجموعة شباب مصري زي الورد هدفهم كله مساعدة الأطفال المحاربة للسرطان وكمان تقديم الدعم المعنوي للأطفال بالمستشفي و تحقيق امانيهم كلها .

النهارده وبعد تواصل بين الكابتن حازم إمام والمستشفى كانت الزيارة للمحارب الصغير حازم إمام  بعد تحسن حالته الصحية .

شكرا لكل واحد ساهم أوحاول أوساعد في اتمام الزيارة النهاردة .